Сәлемдеме сөз

Руководитель Мед.центра УДП РК - Бенберин В.В.

Қазақстан Республикасы Президенті Іс Басқармасы Медициналық орталығының басшысы - Бенберин Валерий Васильевич

Құрметті әріптестер, ханымдар мен мырзалар!

    Сіздердің назарларыңызға Қазақстан Республикасы Президенті Іс басқармасы Медициналық орталығының (бұдан әрі – Медициналық орталық) сайтын ұсынамыз.
    Медициналық орталық жүйесінің қалыптасуы 1929 жылы кішкентай амбулатория ашудан басталған және бұл күн біздің тарихымыздың есептеу нүктесі болып қалды. Бүгінгі таңда, Медициналық орталық күзетілетін тұлғаларды, мемлекеттік қызметшілерді, одақтық және республикалық мәндегі дербес, сондай-ақ мемлекеттік қызметтен жасына байланысты зейнеткерлікке шыққан зейнеткерлерді, жоғары дәрежелі ерекше белгілермен марапатталған тұлғаларды және азаматтардың жекелеген санаттарын медициналық, дәрі-дәрмектік, санаторлық-курорттық салаларда қамтамасыз етіп, мемлекеттік органның қызметтерін бақылау және іске асыру құзыреті шегінде жүзеге асыратын ведомство болып табылады.

    Медициналық орталықтың негізгі міндеті – тіркелген құрамды медициналық, санаторлық-курорттық көмек қызметтерімен және дәрі-дәрмекпен қамтамасыз ету, денсаулықтарын нығайту мен сақтау, санитарлық-эпидемиологиялық қауіпсіздікпен қамтамасыз ету.

    Медициналық орталық жүйесіне 10 ведомстволық қарасты ұйым кіреді, олар: ҚР ПІБ МО Орталық клиникалық ауруханасы , ҚР ПІБ МО Ауруханасы, Санитарлық-эпидемиологиялық сараптама орталығы, «Медициналық технологиялар және ақпараттық жүйелер орталығы» , «Қарлығаш» балабақшасы, Ресей Федерациясындағы «Қазақстан» санаторийі, Қырғыз Республикасындағы «Қазақстан» санаторийі, «Оқжетпес» және «Алматы» санаторийлері.

    Медициналық орталықтың ауруханалары – өте жақсы жабдықталған, медицинаның дерлік барлық салаларында медициналық қызмет көрсетудің кең спектрін ұсына алатын медициналық мекемелер.
Емдеу, емделушілерді күту, қызмет көрсету бойынша жылдар бойы дағдыланған дәстүрлер біздің клиникалардың визит карточкалары болып табылады.

    Медициналық орталық жүйесінде 3 мыңдай маман, оның ішінде шамамен 500 білікті дәрігер мен дәріші, 700 орта медициналық қызметкер, 12 доктор, 51 ғылым кандидаттары жұмыс істейді. 75% дәрігер және 73% орта медициналық қызметкердің біліктілік санаттары бар. Жаңашыл жобаларға талпыну, медицина ғылымы мен техникасында алдыңғы қатарлы жетістіктерін пайдалану, күрделі клиникалық-диагностикалық міндеттерді шешу мүмкіндігі – Медициналық орталық мамандарына тән ерекшелік. Медициналық орталықтың санаторлық-курорттық ұйымдары қазіргі заманғы медициналық жабдықтармен жарақтандырылған, табиғи ресурстары сирек аумақтарда орналасқан (Бурабай, Алматы тау бөктері, Ыстықкөл көлі) және емдеу-сауықтыру шараларының кең спектрімен танымал.

    Ведомстволық қарасты ұйымдардық қызметтері туралы толығырақ ақпараттарды біздің сайтымыздан алуға болады. Біз қызметтерімізге қызығушылық танытқан тұлғалармен тығыз әрі белсенді байланыс жасауға үміттіміз. Келіп түскен барлық сұрақтарға Медициналық орталықтың жетекші мамандары жауап береді.

Құрметпен, Бенберин Валерий Васильевич

Қазақстан Республикасы Президенті Іс Басқармасы Медициналық орталығы

    1929 жылы Қаз ССР Халықтық комиссарлары Кеңесінің Қаулысымен республиканың астанасы Қызылордадан Алматы қаласына ауыстырылды. Үкіметтің жаңа астанаға көшуіне байланысты, кеңестік-партиялық активке медициналық көмек көрсетуді ұйымдастыру қажеттігі жөнінде мәселе көтерілді. Емдеу комиссиясының амбулаториясын ұйымдастыру доктор Ф.И. Неймаркке жүктелді. Бұл оқиға біздің медициналық қызметті ұйымдастырудың бастамасы еді. 10 мөлшерлеме көлемінде амбулатория штаты бекітілді. Ол амбулатория Торговый көшесінде (қазіргі Жібек Жолы көшесі) орналасқан, 5 бөлмелі, бір қабатты үйде орналасқан болатын. Үйге шақырту ат көлігімен жүзеге асырылатын.

    1932 жылы ҚазССР Халықтық комиссарлары кеңесінің отырысында Кеңхалкомның Іс басқармасы құрамында Санитарлық басқарма құру мәселесі шешілді.

    Амбулаторияның дәрігерлері алғаш рет республикалық форумдар мен кеңестерді қамтамасыз етуге тартылып, 1932 жылы (б) БОКП, Өлкеком Пленумының ашылуына орай, амбулатория делегаттарға қызмет көрсете бастады.

    1933 жылы санитарлық корпус салынды да, ол Кеңхалком Санитарлық басқармасының амбулаториясымен біріккен аурухана болды. Аурухана Ұлы Отан соғысы жылдары барлық ел сияқты фронтқа да қызмет көрсетті. Жараланғандарды ауруханаға жатқызу қажет болған жағдайда, төсек-орындар қоры қарастырылып, ЖӘҚҚ штабы бойынша қызметкерлердің кезекшілігі ұйымдастырылған.

    Одан кейінгі жылдары аурухана кеңейе түсті, жаңа емдеу мен диагностика жүргізу корпустары пайда болды, материалдық-техникалық базасы нығайып, тіркелген құрамға медициналық көмек көрсету іске асырыла бастады. 1964 жылғы ақпанда Қазақ ССР Министрлері кеңесінің Қаулысымен ҚазССР Денсаулық сақтау министрлігі жанындағы 4-ші Бас басқарма құрылды, қазіргі Қазақстан Республикасы Президенті Іс басқармасының Медициналық орталығы.

    Қазіргі кезде Медициналық орталық – бұл тіркелген құрамды емдеуде және сауықтыруда емханадан бастап санаториймен аяқталатын барлық кезеңді қамтитын, мемлекеттік қызметшілердің денсаулығын қорғау жөніндегі ведомстволық қызмет. Медициналық орталықтың негізгі міндеттері тіркелген құрамға медициналық, санаторлық-курорттық көмек көрсету, дәрі-дәрмекпен қамту, денсаулықтарын нығайту мен сақтау, санитарлық-эпидемиологиялық қауіпсіздікті қамтамасыз ету болып табылады. 2008 жылы Министрліктер үйінің ғимаратында жаңа емхана ашылды, стационарында 20 төсек-орынға шақталған терапевтік бөлім кеңейтілді, операциялық блогімен 10 төсек-орындық хирургиялық бөлім және анестезиология мен жансақтау бөлімдері ашылды. Бүгінгі таңда Өкінішке орай, мемлекеттік қызметшілер жұмыстарының ерекшілігі олардың жиі науқастануына соқтырады. Осыған байланысты, оларды сауықтыру мен оңалту жүйесін дамытуда аса жоғары қажеттілік туындады. Республикада, сонымен қатар өзге де ТМД елдерінде бұрынғы оңалту мен сауықтыру жүйелері жойылған. Жалпы әлеуметтік саясат контексінде санаторлық-курорттық салаларды қарастыра отырып, Президенттің Іс басқармасы медициналық көмек көрсетудің осы түрін сақтап қалды. Медициналық орталық алдыңғы қатарлы курортология ұйымдары салаларымен әріптестікті нығайтуда.

    Медициналық орталық жүйесінде Медициналық технологиялар және ақпараттық жүйелер орталығы жұмыс істейді. Оның басым бағыттары жоғары технологиялы медициналық құрал-жабдықтарды іздестіру, талдау жүргізу, медициналық-ақпараттық және телекоммуникациялық технологияларды әзірлеу, алып жүру және дамыту болып табылады. Медициналық орталықтың қызметінде алыс-жақын шетелдердегі алдыңғы қатарлы ғалымдардың көмегімен емделушілерге кеңес беруді қамтамасыз ететін, телемедициналық технологиялар, сондай-ақ мамандарды қашықтан оқыту мүмкіндіктері кеңінен пайдаланылады, Бірыңғай ақпараттық жүйе енгізілуде.

    Астана қаласында медициналық көмек көрсету деңгейін көтеру мақсатында Орталық-азия өңірінде қазіргі заманғы сипатта салынып жатқан Клиникалық-оңалту кешенінің құрылысы жүргізілуде. Балхаш көлі жағалауында санаторий құрылысының дайындық жұмыстары басталды. Медициналық орталық қазақстандықтардың денсаулығын сақтау мен нығайтуда мақсатқа бағытталған жұмыстар жүргізуді жалғастырып келеді.

Ведомстволық қарасты ұйымдар

Пайдалы сілтемелер

  • ehealth.kz
www.mcudprk.kz | Copyright © 1929 - 2016. Қазақстан Республикасы Президенті Іс Басқармасы Медициналық орталығының ресми сайты